Ons visie

MHI is meer as bloot ʼn mooiweersvriend vir sy kliënte. Met die direkteure se gekombineerde ervaring van sowat sestig jaar, gebruik die firma sy kommersiële-, regs- en finansiële kundigheid om betroubare, bekostigbare asook omvattende regsdienste aan sy kliënte te bied.

Blote bevredigende resultate is nie ons mikpunt nie; regsoplossings wat aan ons kliënte ‘n voorsprong bo hul mededingers bied, is eerder ons doel.

In ‘n dinamiese, prestasie-gedrewe omgewing bly ons in pas met die tegnologie en bied ons doeltreffende oplossings vir uiteenlopende uitdagings sonder om persoonlike diens agterweë te laat.

By MHI is die unieke belang van elke kliënt die passie en die kleinnood van ons personeellede. Dit sal in die toekoms so bly. Ons toewyding is die waarborg.

Ons praktyk

MHI, voorheen bekend as Malherbe Hanekom Ingelyf, is ‘n dinamiese Tygervalleise prokureursfirma wat in 1999 gestig is.

Die praktyk het sy ontstaan gehad in ‘n tweemans-kantoor in die Delphi-arena in die Tygervallei.

Binne ‘n jaar ná sy ontstaan is die praktyk na ‘n groter perseel in Durbanweg 297 hervestig. Die skuif is genoodsaak vanweë ‘n uitgebreide kliëntebasis in veral eiendomsontwikkeling, een van die spesialisvelde van MHI.

Die voorsitter van die firma, Stefanus Malherbe, het die uitbreiding en groeiende kliëntebehoeftes aangespreek deur nog twee direkteure, Jurgens Tubb en Chris Faure, aan te stel.

Ons adres is Durbanweg 295. Dis nie net ‘n nommer nie, maar ‘n toeganklike adres vir al ons gewaardeerde kliënte. MHI roem hom daarop dat hy beskikbaar is vir elke kliënt en ‘n persoonlike diens aan elkeen lewer in ‘n professionele omgewing.

Die implementering van 21ste eeuse tegnologie en voortdurende navorsing om die vinger op die pols te hou van nuut gepromulgeerde wetgewing stel ons in staat om aan die voorpunt van die regsbedryf te bly.

As ‘n trots Suid-Afrikaanse prokureursfirma, aanvaar MHI die uitdagings van die dinamiese tye waarin ons leef en streef daarna om werklike waarde toe te voeg. Ons maak ‘n bydrae om die nasionale speelveld gelyk te maak deur ‘n pro-aktiewe bemagtigingstrategie te volg.

By MHI is jou regs behoeftes ons missie!